CTS Басқарма төрағасы қазылар алқасы ретінде Astana Hub конкурстық іріктеуіне қатысты

Бұдан бұрын Астана қаласының әкімдігі мен Astana Hub IT-шешімдерді іздеу туралы жариялады, онда стартаптар өз жобаларын әкімдік алдында таныстырып қана қоймай, қаланың дамуына да өз үлестерін қосуға мүмкіндік алады.

Жақында елорда әкімдігі мен Astana Hub бірлесіп өткізген Pitch day үшінші легі өтті.

Astana Hub халықаралық IT-стартаптар технопаркімен бірлесіп конкурстық іріктеу барысында IT-жобалардан 100 өтінім жинады. Олардың ішінен көлік, қауіпсіздік, ТКШ және туризм саласындағы Pitch Day үшінші легі кезінде өз шешімдерін таныстырған 15 жоба іріктелді. Мысалы, «Parqour» жобасы ұсынылды – бұл нөмірлерді тану технологиясына негізделген ақылы автотұрақтарды автоматтандыруға арналған қосымша. Сондай-ақ, «Unipark» кез келген логистикалық міндеттерді шешу үшін көлік платформасын құруға арналған қосымшамен таныстырылды.

Қазылар алқасының құрамына кірген «City Transportation Systems» ЖШС Басқарма төрағасы Ғани Тәжиев қатысушылар лайықты жобаларды ұсынғанын және Қазақстанның цифрлық трансформациясын қамтамасыз етуге елеулі үлес қоса алатынын атап өтті. Сондай-ақ, қазылар алқасының құрамына Астана қаласы Цифрландыру және мемлекеттік қызметтер басқармасының басшысы Мейрамбек Әшірбеков, ҚР ЦДИАӨМ Ақпараттық технологиялар саласын дамыту департаментінің директоры Ерсұлтан Ерманов және «Астана Innovations» АҚ Басқарма төрағасы Нұрсұлтан Қалдыбаев кірді.

Қатысушылардың әрқайсысы Pitch Day-ден кейін жобаны дамыту бойынша одан әрі жұмыс істеу үшін Цифрландыру басқармасының өкілдерімен кездесуге шақырылады.

< >

Тізімге оралу