Қаланың көлік тораптары тікұшақ арқылы тексерілді

"City Transportation Systems" компаниясы көптеген жобалар мен міндеттерді іске асырып келеді.
Бұл зияткерлік көлік жүйесі, қоғамдық көлікті диспетчерлеу, қоғамдық көліктің бағдарлар жүйесін жетілдіру. Сондай-ақ осы жылдан бастап елордалық велошеринг бойынша қызмет көрсете бастадық.
⠀
Өз жұмысымызды тұрақты бақылап отырамыз және қоғамдық көлікті жолаушыларға ыңғайлы ету үшін қызмет етеміз. Таңғы және кешкі уақыттағы көлік ағынын анықтау мақсатымен қаланың барлық күрделі көлік тораптарын әуеден тексеріп көрдік.
⠀
Мамандарымыз қаланың басты көлік желілерін, үлкен айналма жолды, сондай-ақ қала шетін тексеріп көрді.
⠀
Көлік ең көп жүретін – Тұран, Сарыарқа, Бөгенбай батыр, Мәңгілік ел, Абай, Момышұлы даңғылдарда, Сарайшық, Сейфуллин, Қонаев көшелерінде, М1, М2 жол айрықтарында жол кептелістері бақыланды.
⠀
Әуеден жасалған тексеру нәтижесі туралы қосымша хабарлап отырамыз. Жаңалықтарымызды оқып жүріңіздер!

< >

Тізімге оралу