Елордада «Bus Lane» жолағы тағы бір көшеде іске қосылады

25 қыркүйектен бастап Мұхамедханов көшесінде Айтматов көшесінен Тұран даңғылына дейін бөлінген «Bus Lane» жолағы іске қосылады.
Осы учаскеде үлкен сұранысқа ие 2 бағдардың қозғалысы үшін артықшылық жасалатын болады, олардың ішінде: №45 және 56, ал бұл 25 автобус. Күн сайын осы бағыттармен 16 мыңнан астам жолаушы жүреді.
Қоғамдық көліктен бөлек, «Bus Lane» арқылы жедел жәрдем мен өрт сөндіру техникасы қозғала алады. Нәтижесінде олардың келу уақытын едәуір қысқартты.
Айта кетейік, Мұхамедханов көшесінде бөлінген жолақтың енгізілуін ескере отырып, Нұр-Сұлтан қаласында «Bus Lane» жобасы ұзындығы 73,6 км болатын 26 жол учаскесінде жүзеге асырылуда.
Көлік жүргізушілері осы өзгерістерді назарда ұстап, қозғалыс бағытын алдын ала жоспарлауы қажет.

Тізімге оралу