Көліктік бақылау департаментінде қоғамдық көліктегі қауіпсіздік мәселелері бойынша жұмыс кеңесі өтті

Көлік бақылау департаменті Астана қаласы ПД Әкімшілік полиция басқармасының, Астана қаласы Көлік және жол-көлік инфрақұрылымын дамыту басқармасының қызметкерлерінің, сондай-ақ Астана қаласы автобус парктерінің қозғалыс қауіпсіздігі инженерлерінің қатысуымен бірлескен жұмыс кеңесін өткізді.

Кеңес барысында 2022 жыл ішінде қоғамдық көлік жүргізушілерінің ЖЖЕ бұзуларын және жол-көлік оқиғаларын талдау және оның рейтингі таныстырылды, авариялық жағдайы жоғары бағдарлық желі учаскелері, сондай-ақ периметрі бойынша тұрақта тұрған автомобильдердің салдарынан соңғы аялдамаларда бағдарлық көлік құралдарының бұрылуы үшін кедергілер туындайтын проблемалық орындар қаралды.

Сонымен қатар, БКҚ салонында орнатылған бейнекамераларды техникалық-жарамды күйде ұстау мәселесі қаралды.
Кеңес қорытындысы бойынша автобус аялдамаларындағы қазіргі жағдайды шешу жөнінде проблемалық учаскелерді жол белгілерінің орнатылуына тексеру үшін мүдделі органдармен бірлесіп шығуды жүзеге асыру туралы шешім қабылданды.

< >

Тізімге оралу