Мектепке дайындықты мектеп көлік картасын алудан бастаңыз

Құрметті ата-аналар!

Бір айдан кейін жаңа оқу жылы басталады. Кассадағы кезектерді болдырмау үшін сізден мектеп көлік картасын алдын ала жасатып алуды сұраймыз.

Өздеріңіз білетіндей, елордада қала және Нұр-Сұлтан қ. маңында тұратын 18 жасқа дейінгі оқушылар ғана қоғамдық көлікте тегін жүреді. Ол үшін мектеп көлік картасы болуы керек және оны автобус салонында валидациялау қажет.

Мектеп көлік картасын екі жолмен алуға болады.  Р. Қошқарбаев даңғылы, 50/1 мекенжайындағы орталық кассадан немесе transcard.kz сайт арқылы. Рәсімдеу үшін ата-ананың біреуінің жеке куәлігі, баланың ЖСН бар туу туралы куәлігі (жеке куәлік), мектептен анықтама және 3х4 бір фотосурет қажет.

Оқушыларға мектеп көлік картасын қайта алған жағдайда баланың туу туралы куәлігі, сондай-ақ ата-анасының біреуінің немесе заңды өкілдерінің жеке куәлігінің түпнұсқасы немесе төлқұжаты ғана керек. 16 жасқа толған оқушылар өз бетімен өтініш жасай алады. Қалаған жағдайда, фотосуретті өзгертуге болады.

Алайда, егер оқушының жасы 15-тен асқан болса, картаны қалпына келтіру үшін мектеп анықтамасы міндетті түрде қажет.

Естеріңізге сала кетейік, мектеп көлік картасын алғашқы алу құны 800 тг. Қайта шығару - 1500 теңге.

Тізімге оралу