Жолаушылар мен багажды тасымалдау ережелерінің сақталуын тексеру

CTS көліктік бақылау департаментінің қызметкерлері Астана қ. бойынша көліктік бақылау инспекциясымен бірлесіп елорда тасымалдаушыларының жолаушылар мен багажды тасымалдау ережелерін сақтауын тексеруге арналған рейд жүргізді.

Рейд барысында 40-тан астам автобус тексеріліп, оның 19-нда ережені сақтамаудың 36 фактісі анықталды.

Бұл құқық бұзушылықтар бойынша Қазақстан Республикасының заңнамасында белгіленген тәртіппен және мерзімде әкімшілік ықпал етудің процестік шешімдері қабылданады. Сондай-ақ, алдын алу шараларын қабылдау үшін автобус парктерінің басшылығымен кездесу өткізу жоспарланды.

Айта кетейік, биыл CTS пен Астана қ. бойынша Көліктік бақылау инспекциясы өзара іс-қимыл туралы Меморандумға қол қойған болатын. Меморандум аясында бірлескен тексеру жұмыстарын жүргізу одан әрі жалғасады.

< >

Тізімге оралу